نـــــكــــــت ..........فى مــــود مــــــش حـــلو

بلدياتنا و امريكى و يابانى عرضوهم على جهاز كشف الكذب


اليابانى : إحنا بنفكر نعمل انسان آلى و نستغنى عن البشر ، راح الجهاز ضربه..


الامريكى: احنا بنفكر نطلع المريخ و نعمل مستوطنات عليه، راح الجهازضربه..


بلدياتنا: إحنا (بنفكر) ولسه مكملش ،،،،،،،،،،راح الجهازضربه !!




*********************************************************




واحده بلدياتنا قالت لجوزها قولى كلمه حلوه قال لها بسبوسه


قالت له يا اخى قولى كلمه تهزنى قال لها مرجيحه


قالت له قولى كلمه احس فيها انى مراتك قال لها انتى طالق


******************************************************




مره مسئول كبير راح يفتتح حمام سباحه كبير في سوهاج


فكان مدير الحمام بيشرحله مميزات الحمام فقال:


ده يا فندم المنط العشرين متر اطلع يا محمدين نط . طلع محمدين ونط


و ده يا فندم المنط الاربعين متر اطلع ياحسنين نط . طلع حسنسن ونط


فقال المسئول : هايل هايل


فقاله المدير ولسه كمان يا فندم لما نملاه ميه!!!!!


*******************************************************




واحد بلدياتنا ركب سيارة مرسيدس حديثه فتح الراديو لقي المذيعه بتقول هنا


لندن راح قايل : يلعن ابو السرعة


********************************************




مرة كان في واحد بلدياتنا ابنه تعب


وداه للدكتور وبعدين خرج الدكتور وقاله ابنك مات.....


ابنه: بابا انا عايش ما موتش....


بلدياتنا: اسكت انت.. يعنى هتفهم اكتر من الدكتور


**************************************




واحد بلديتنا سافر بره بعتوله برقيه ارجع فورا يوجد امر خطير رجع على اول


طياره قابل اخوه الكبير فى المطار تعبان وحالته حاله ودقنه طويله قاله فى ايه


طمنى ابويا جراله حاجه راح مطبطب عليه وخده فى حضنه وركبوا العربيه لقا اخوه


الثانى فى السياره تعبان وحالته حاله ودقنه طويله قاله فى ايه طمنى ابويا


جراله حاجه راح مطبطب عليه وخده فى حضنه سافروا لقا اخوه الثالث على باب


البيت تعبان وحالته حاله ودقنه طويله قاله فى ايه طمنى ابويا جراله حاجه راح



مطبطب عليه وخده فى حضنه دخل على ابوه فى السرير لقاه نائم تعبان وحالته حاله



ودقنه طويله قاله فى ايه طمنى يا ابويه انت كويس رد عليا راح ابوه قاله يا


حسنين وديت ماكينه الحلاقه فين


******************************************************


بلدياتنا دخل صالون حلاقة و لما الزباين مشيت الحلاق قال له تعالى احلق لك


فقاله بلدياتنا انا مش جاى احلق.. قاله: امالاية.......... قال انا جاى



اسال عن البيه اللى ساكن فوق.. الست قالت لي اقعد فىالصالون لغايه ما البيه يجى



*****************************************************


بلديتنا شاف فى الجرايد حادثه واحد فى امريكا قتل مراته ودفنها تحت السرير


والبوليس الأمريكى لم يكتشف ذلك الا بعد 25 سنه قام قال لنفسه يبقى انالو



عملت كده البوليس عندنا مش حيكتشف ابداً راح فعلاً قاتل مراته وحفر تحت



السرير وحطها مفيش ربع ساعه والبوليس قبض عليه فتعجب قوى وسأل الظابط انتم



ازاى كشفتم الجريمه بسرعه قوى كده ده فى امريكا ماكتشفوهاش الا بعد 25 سنه رد



عليه الظابط اصل فى امريكا الراجل كان ساكن فى الدور الأرضى وأنت ساكن فى الدورالخامس



*****************************************************

مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء.



قعد أصحابه يشدوه و يضربوه علشان يبعد عن الحيطة ما عرفوش. لحد ما



ودوه المستشفى و لكنه مات. ......تقرير الطبيب الشرعي: سبب الوفاة ضرب أفضى إلى موت .



**************************************************



واحد بلدياتنا دخل بار، فجلس بجوار جيمس بوند، فقال له: عايزين نتعرف، اسمك الكريم إيه؟


قال له: (بوند, جيمس بوند)..أند يو؟


رد عليه بلدياتنا و قال له: (دان, حمدان)




*****************************************************



مرة واحد بلدياتنا دخل مطعم بيتزا الرجل جابله البيتزا قاله تحب نقطعها علي 8 قطع ولا 16 قطعة.. قاله لا 8 قطع علشان ما اقدرش اكل 16




************************************************




يارب النكت دى تعجبكم لانى فى مود مش حلو




!! بــــــ،،ـــــــنــــــــ،،ــــــــــــــــــوتــ،ـــــه !!

بجد شديدة يا بنوته يسلموو يمينك وشمالك بس انتى فى النكته الاولى هتزعلى منك ناس كتير واولهم انا